Bandaríkja-hatandi Keith Ellison - þingmaður Minnesota snýr á guð-elskandi Goode og Prager

Um daginn minntist ég eitthvað stuttlega á Keith Ellison - sem er demokrati og nýjasti þingmaður Minnesotabúa. Ellison er þingmaður fyrir 5 kjördæmi Minnesota, sem þekur Minneapolis, og er fyrsti Múslmininn sem kjörinn er á Bandaríkjaþing. Þetta þykir mörgum alvarlegar fréttir, því það vita allir að múslimar eru hættulegir villimenn og hata bæði Bandaríkin og vestræna siðmenningu - og þó sérstaklega baby-jesús og kristna trú... En það sem virðist hafa valdið sjálfskipuðum varðmönnum vestrænnar menningar og kristinna gilda mestum áhyggjum var að Ellison ætlaði að nota Kóraninn þegar hann sver embættiseið á morgun.

Útvarpsmaðurinn Dennis Prager blés til orustu í þessu máli, og hélt því fram að með því að nota kóraninn, en ekki biblíuna, væri Ellison að grafa undan bandarískum gildum! Og Prager krafðist þess að lögreglan skærist í leikinn ef Ellison vogaði sér að koma með kóraninn í þingsali:

He should not be allowed to do so -- not because of any American hostility to the Koran, but because the act undermines American civilization. ... Insofar as a member of Congress taking an oath to serve America and uphold its values is concerned, America is interested in only one book, the Bible. If you are incapable of taking an oath on that book, don't serve in Congress.

Því Prager finnst semsagt að það eigi að banna öllum sem ekki geta svarið á biblíunni að sitja á þingi! En það er ekki bara að Ellison sé hættulegur biblíuhatari - uppátæki hans myndi verða alvarlegri árás á Bandaríkin en árásir Al Qaeda, 11 september 2001!

If Keith Ellison is allowed to change that, he will be doing more damage to the unity of America and to the value system that has formed this country than the terrorists of 9-11.

Svona snilldarmálflutningur er auðvitað aðdáunarverður. Það að halda á kóraninum við ljósmyndauppákomu er alvarlegra mál en hryðjuverkaárásirnar 2001, og Ellison þar með alvarlegri hryðjuverkamaður en Osama Bin Laden?

Eina vandamálið við þessi "rök" Prager er að þau stangast beinlínis á við stjórnarskrá Bandaríkjanna - og eru, eins og það heitir á góðu máli: "un-american". Samkvæmt stjórnarskránni er óheimilt að setja nein "religious tests" fyrir þá sem eiga að taka "public office" - og krafa Prager er augljóslega "a religious test", og það að vera þingmaður flokkast sennilega sem "public office". Eftir að Prager var bent á þetta dró hann aðeins í land, fór að tala um að það væri löng hefð fyrir biblíunni, og að Ellison væri að grafa undan þessari mikilvægu hefð. Skiptir þá engu að margir þingmenn hafa sleppt því að hafa biblíuna með sér, og þess í stað látið sér nægja að lyfta annarri hendi, en láta hina hvíla á pontunni, eða bara hanga með síðu. Jæja. Prager fannst Ellison samt vera að grafa undan Bandaríkjunum...

Eftir að Prager dró athygli jólasveina Repúblíkanaflokksins að þessu máli tóku 'trúaðir' íhaldsmenn að krefjast þess að þingið setti lög sem kvæðu á um að það yrði að nota biblíuna við þessa athöfn, og svo kom þingmaður Virginíu, Virgil Goode, og lýsti því yfir að ef ekki væru sett strangari lög um innflytjendur myndi þingið bráðum fyllast af múslimum - og benti máli sínu til sönnunar á Ellison. Að vísu er Ellison bandaríkjamaður, og sömuleiðis foreldrar hans. Ellison getur víst rekið ættir sínar allt aftur til 1746, sennilega lengra aftur en margir aðrir.

En Ellison fann leið til að snúa á Prager: Á morgun ætlar hann að nota kóran úr bókasafni Thomas Jefferson! Það er sennilega ekki hægt að finna þjóðernissinnaðari, eða meira patriotic Kóran í öllum Bandaríkjunum - og Jefferson var á sínum tíma einn af helstu talsmönnum trúfrelsis. Það setur Prager og aðra sem trúa því að allt fólk eigi að vera eins og það, og hatar fjölbreytileika mannkynssins meira en pestina, í dálítinn vanda.

"Keith is paying respect not only to the founding fathers" belief in religious freedom but the Constitution itself," said Ellison spokesman Rick Jauert.

Því Bandaríkin voru ekki byggð á biblíunni, heldur stjórnarskrá, lögum, réttlæti og frelsi... Ellison sýnir með þessu að það er hann, en ekki Prager og Goode sem standa nær "the founding fathers". Þetta útspil er reyndar svo klókt að meira að segja Ham, einn af bloggurum Townhall (sem er eitt helsta blogg íhaldssamra repúblíkana) játar að Ellison hafi sennilega snúið á Prager og félaga!

M

Update á (mjög raunveruleg) krossferðaplön Robin Hayes til Írak!

Í gærkvöld - sem er snemma um morgun á Íslandi - skrifaði ég færslu um Robin Hayes, sem hefur talað opinberlega fyrir því að þátttaka Bandaríkjahers í borgarastríði Íraka meiki engan sens nema henni sé breytt í alvöru krossferð. Robin Hayes benti nefnilega á hið augljósa: það verður aldrei friður í Mið-Austurlöndum nema öllum aröbunum verði snúið til kristni!

Þessi hugmynd hefur reyndar áður verið rædd af stjórnmálaheimspekingum á borð við Ann Coulter - sem vildi reyndar líka að við myndum drepa alla leiðtoga arabaheimsins, en í kjölfar 9/11 hafði Coulter þetta að segja:

We should invade their countries, kill their leaders and convert them to Christianity

Í allan dag hafa stjórnmálablogg í Bandaríkjunum verið að velta því fyrir sér hvort Hayes hafi virkilega sagt að það ætti að kristna Íraka - því það er almennt viðurkennt að Coulter sé ekki alveg í lagi í höfðinu, meðan Hayes er þingmaður á Bandaríkjaþingi, og orð hans hafa því aðeins meiri vigt en blaðrið í ómerkjungnum Coulter. Hayes er ekki heldur alveg eins blóðþyrstur og Coulter - vissulega er þetta trúboð hans ætlað til þess að dreifa fagnaðarerindinu, ást og náungakærleik, en svoleiðis bissness hefur yfirleitt ekki gengið alveg sársaukalaust fyrir sig, og fyrri tilraunir vesturlanda til að dreifa fagnaðarerindinu og hinni einu sönnu trú meðal íbúa Mið-Austurlanda hafa ekki allar mætt miklum skilningi... og allsendis óvíst að svona vangaveltur skiljist sem friðarboðskapur meðal óbreyttra borgara í Írak. En semsagt: hér er ljósmynd af forsíðu Concord Standard "Your Hometown Newspaper" sem flutti fréttina af krossferðaplani þingmannsins.

M

 

Þingmaðurinn Robin Hayes (R-NC) hefur lausn á ástandinu í Írak: snúa Írökum til kristni

Hayes lýsti því yfir á Rótarífundi í heimabæ sínum um daginn að Bandaríkjamönnum myndi ekki takast að stilla til friðar í Írak fyrr en búið væri að kristna alla djöfuls heiðingjana sem þar búa:

Stability in Iraq ultimately depends on spreading the message of Jesus Christ, the message of peace on earth, good will towards men. Everything depends on everyone learning about the birth of the Savior.

Hayes er vel þekktur fyrir sérkennilegar hugmyndir sínar um stríðið í Írak - hann er til dæmis einn fárra þingmanna sem enn trúa því að bandaríkin séu að vinna, og hefur reyndar fært rök fyrir því að vaxandi óöld í landinu sé til marks um hversu vel gangi að stilla til friðar...

Það er auðvelt að gera grín að Heyes, eða fárast yfir trúarofstæki Suðurríkjamanna. En raunverulega vandamálið er ekki trúarofstæki, per se, að bandaríkjaher fari að stunda trúboð meðal múslima (þó þeim væri kannski trúandi til þess) eða að utanríkisstefna Bandaríkjanna verði rekin sem krossferðir (þó Heyes virðist dreyma um það). Raunverulega vandamálið er að menn eins og Heyes hafa verið kosnir á þing, þar sem þeir fá að setja lög sem hafa áhrif á líf og framtíð heilla þjóða. Menn sem hafa svona brenglaðar hugmyndir um hvernig heimurinn raunverulega virkar geta aldrei leitt þjóðir neitt annað en út í glötun. Menn sem trúa því virkilega að það sé hægt að leysa borgarastríð (eða whatchamacallit) hinum megin á hnettinum með því að "spread the message of Jesus Christ" eiga ekki að fá að taka sæti á þjóðþingum. Svoleiðis menn geta aldrei fundið skynsamar eða vitrænar lausnir á nokkrum sköpuðum hlut! Meðan repúblíkanar eru að kjósa svona jólasveina á þing er ekki nema von að þeim gangi ílla að stjórna flóknu iðnríki í nútímanum.

Ein helsta ástæða þess að flokknum hefur gengið jafn ílla og raun ber vitni (samanber tap þeirra í kosningunum um daginn) er að þeir hafa of marga jólasveina eins og Robin Hayes innan sinna raða. Og því miður tókst demokrötunum ekki að fella alla þessa grasasna í seinustu kosningum. Vonandi hafa kjósendur Repúblíkana vit á að fella Hayes í prófkjöri fyrir næstu kosningar.

Update: Þessi frétt er búin að birtast á nokkrum pólítískum bloggsíðum (t.d. Carpbetbagger Report - upprunalega virðist hún hafa farið af stað af BlueNC). Upprunalega er frásögnin úr einhverju lókal smáblaði í Norður Karólínu - en enn sem komið er hefur enginn meiriháttar fjölmiðill fjallað um ummæli Hayes. Huffingtonpost og Raw Story pikkuðu þessa frétt reyndar upp fyrir stuttu, svo þess er vonandi stutt að bíða að hefðbundnu fjölmiðlarnir fjalli um Krossfarann Hayes.

M

Enn annar ósigur "trúaðra" afturhaldsmanna í "the culture wars"

Kennslustofur barnaskóla í Suðurríkjum Bandaríkjanna hafa undanfarin ár verið einn æsilegasti vígvöllur "the culture wars". Átökin hafa aðallega snúist um þróunarkenninguna og sköpunarsögu biblíunnar - en nokkuð hávær hópur fólks hefur krafist þess að þróunarkenningin skuli tekin af kennsluskrá, því hún stangast jú á við bjargfasta sannfæringu þeirra að guð hafi skapað heiminn á fáeinum dögum fyrir nokkurþúsund árum síðan.

Að vísu hafa bókstafstrúarmenn ekki lagt í að krefjast þess að sköpunarsaga biblíunnar skuli kennd í skólum, en hafa látið sér nægja að krefjast þess að niðurvatnaðar útgáfur hennar skuli kenndar til jafns á við þróunarkenninguna, enda sé hún barasta "kenning" og hljóti því að geta staðið jafnfætis öðrum "kenningum", t.d. "intelligent design". Vinsæalasta taktík bókstafstrúarmanna var að sigla undir fánum "opinnar og gagnrýninnar umræðu" - öll "vísindi" væru viðhorf, og það ætti að kenna börnum að vega og meta ólík sjónarmið og hugmyndir. Kennslustofur ættu að vera vettvangur gagnrýninnar umræðu þar sem nemendur og kennarar ræddu kosti og galla vísinda annarsvegar og rugls og vitleysu hinsvegar... Enda er rugl og vitleysa "viðhorf", svona eins og vísindi eru "viðhorf"?

Hávaði bókstafstrúarmanna var mestur milli 2003 og 2005, og eftir að Bush vann kosningarnar 2004 voru margir skynsamir og vitibornir Bandaríkjamenn farnir að óttast að kristnum bókstafstrúarmönnum myndi takast að ryðja viðurkenndum vísundum út úr skólakerfinu. En síðan þá hafa talsmenn þess að öll fræði væru bara viðhorf beðið hvern ósigurinn á fætur öðrum.

Síðasti ósigurinn kom í gær, en skólayfirvöld í Cobb County í Georgíu samþykktu að fjarlægja límmiða sem á stóð: "evolution is a theory, not a fact" úr kennslubókum í líffræði. LA Times fjallaði um þetta mál í morgun:

In a settlement announced Tuesday in federal court, the Cobb County Board of Education agreed never to use any similar "stickers, labels, stamps, inscriptions or other warnings," or to undermine the teaching of evolution in science classes. [...]

Evolution has long been controversial in Cobb County, north of Atlanta, where some biology teachers used to tear pages out of textbooks to avoid discussing it. In 2002, after more than 2,000 parents objected to sections on evolution in a new biology textbook, stickers were placed on the inside of the front cover.

Board members said they attempted to craft a sensitive response to parents' complaints. The sticker read: "This textbook contains material on evolution. Evolution is a theory, not a fact, regarding the origin of living things. This material should be approached with an open mind, studied carefully and critically considered."

Þessi niðurstaða sýnir að jafnvel "hógværar" tilraunir bókstafstrúarmanna í Bandaríkjunum til að ryðja nútímanum til hliðar mistakast. Skynsemin sigrar alltaf að lokum.

M

Meira af Nígerísku hommahaturskirkjunni

Þetta hefur mjög lítið með Bandaríkin að gera - nema helst að einn af helstu talsmönnum hómófóbíu í Nígeríu, erkibiskup Akinola, þykir svo skeleggur andstæðingur siðspillingar að afturhaldssömustu kirkjudeildir bandarísku Biskipakirkjunnar í Virginíu ætla að segja skilið við bandarísku kirkjuna, og ganga í nýja hommahaturs-biskupakirkju sem Akinola leiðir. (Sjá færslu mína um það hér)

En semsagt: mannvinirnir í ríkisstjórn Nígeríu hafa, sennilega með dyggum stuðningi og áeggjan "orthodox" biskupakirkju Akinola, undirbúið löggjöf sem mun banna allt samneyti samkynhneigðra: 

LAGOS, Nigeria -- Lawmakers in Nigeria are debating a bill that would ban same-sex marriage and any form of association among gays, even sharing a meal at a restaurant

Few in Nigeria's deeply closeted gay community have publicly opposed the legislation, which proposes penalties of up to five years in prison and is widely expected to pass.

Nei ég skil það vel - Nígeríumenn taka ekki vel á samkynhneigð, þeir sem liggja undir grun eru lamdir eða hýddir opinberlega:

Engaging in homosexual acts is already illegal in Nigeria, with those convicted facing jail terms in the mainly Christian south and execution in the mainly Muslim north.

Other activities prohibited under the proposed law include belonging to gay clubs or reading books, watching films or accessing Internet sites that "promote" homosexuality.

Haruna Yerima, a member of Nigeria's House of Representatives, said he supported the proposed ban. Social contact between gays should be limited, he said, because it might encourage behavior that was "against our culture ... against our religion."

Þegar kirkjuleiðtogar fara um og básúna að samkynhneigð sé glæpur gegn guði og að það eigi að handtaka og fangelsa samkynheigða, fá menn svona löggjöf. Þegar kirkjan leggur blessun yfir mannhatur er útkoman löggjöf sem gengur út á mannhatur.

Það er líka athyglisvert að taka eftir því að næsta skrefið á eftir hómófóbíuskum lögum eru takmarkanir á málfrelsi, fundafrelsi og ritskoðun. Nígeríumenn þurfa sennilega að koma sér upp afhommunarráðuneyti sem les bækur og blöð og horfir á kvikmyndir og sjónvarpsefni til að ganga úr skugga um að það sé ekki að "hvetja til hegðunar sem er andstæð menningunni og trúnni..."

En Nígeríumönnum og trúarleiðtögum þeirra til varnaðar eru ekki allir eins fullir af fordómum og hatri og löggjafarþing landsins og erkibiskupar:

Even some conservative religious leaders say the bill goes too far. Though Bishop Joseph Ojo, who presides over the congregation at the evangelical Calvary Kingdom Church, contends gay relationships are "foreign to Africans" and should be outlawed, he adds that gays should "have freedom of speech and expression."

Nei, því samkynhneigð er vestrænn hnignunarsjúkdómur sem breiðist um með Will og Grace. Þetta sama viðhorf var opinber ríkisboðskapur í Sovétríkjunum og Rúmeníu. Reyndar er þessi heimspeki ekki svo frábrugðin hugmyndafræði kristinna evangelista í bandaríkjunum sem halda að samkynhneigð smitist í gegn um teiknimyndir, sjónvarp eða kvikmyndir, því í þeirra huga er samkynhneigð svo óeðlileg að hún geti ekki undir neinum kringumstæðum verið sumu fólki eðlislæg. Hún barasta hljóti að "smitast" einhverveginn. Seinasta snilldarútspil þeirra sem eru sannfærðir um að samkynhneigð sé áunnin paþológía er grein sem grein sem Jim Rutz, se er einhverskonar megakirkjuprestur og "kristinn" rithöfundur skrifar á World Net Daily (sem er víðlesin hægrisinnuð/íhaldssöm fréttasíða) um hættur sojavöru: Rutz heldur því fram að sojaát leiði til samkynhneigðar!

Það er sennilega yndislegt að vera í þessum félagsskap. Ég óska "orthdox" kirkjudeildum biskupakirkjunnar í Fairfax Virginíu til hamingju með að hafa bundið trúss sitt við skíthæla á borð við Akinola erkibiskup, og Akinola til hamingju með að geta bráðum búið í landi þar sem þjóðin hefur verið hreinsuð af samkynhneigð og komið hefur verið í veg fyrir að þeir smiti fleira fólk af þessari hættulegu lífstílsveiki sinni.

M

Bandaríska biskupakirkjan að klofan vegna hommaógnarinnar - hómófóbískar kirkjur leita til Nígerísks erkibuskups

Forsaga málsins er sú að 2003 var samkynhneigður maður kosinn biskup í New Hampshire. Þetta líkaði íhaldssömum kirkjumeðlimum auðvitað alls ekki, og gremja þeirra yfir því að búa innan um fólk sem ekki er nákvæmlega eins og það sjálft, tvíefldist þegar einn helsti stuðningsmaður þess að samkynhneigðir prestar og biskupar séu jafnir öðrum prestum og biskupum var kosinn leiðtogi kirkjunnar allrar.

Afturhaldssamir söfnuður hafa alltaf við og við sagt sig úr lögum við kirkjuna - en nú ætla semsagt tveir söfnuðir ekki bara að segja sig úr lögum við Bandarísku Biskupakirkjuna, heldur ætla þeir að ganga inn í Nígerísku biskupakirkjuna, vegna þess að leiðtogi hennar, Erkibiskup Peter J Akionla er harður andstæðingur samkynhneigðar. Akinola hefur meðal annars talað fyrir því að lögreglan handtaki alla samkynhneigða karlmenn og komi þeim fyrir í sérstökum fangelsum þar sem þeir séu geymdir. Nú, því annars eru þeir að spilla almannafrið og siðgæði. Búist er við að fleiri bandarískar kirkjur fylgi í kjölfarið!

If the votes at The Falls Church and Truro succeed, as their leaders predict, the 3,000 active members of the two churches would join a new, Fairfax-based organization that answers to Nigerian Archbishop Peter J. Akinola, leader of the 17 million-member Nigerian church and an advocate of jailing gays. The new group hopes to become a U.S.-based denomination for orthodox Episcopalians.

How many congregations will take this route is unknown, with the likelihood of costly litigation over historic, valuable properties and bitterness infecting a holy space. Even church centrists estimate that 15 percent of U.S. Episcopalians would leave the national church if their congregations could keep their church buildings and remain in the Communion.

Þetta mál snýst allt um tvo hluti: Hatur "orthodox episcopalians" á samkynhneigð og löngun þessara sömu "orthodox" safnaða og presta til að halda í allar eignir kirkjunnar. Ef presturinn og söfnuðurinn segja sig úr lögum við kirkjuna halda þeir ekki eignum sóknarinnar, en ef þeir ganga til liðs við Hina heilögu nígerísku hommahaturskirkju eiga þeir betri séns á að halda húseignum og öðru kirkjugóssi.

Það er athyglisvert að þessir "orthodox episcopalians" skuli þurfa að leita til þriðja heimsins til að finna menn sem geta leitt þennan nýja söfnuð þeirra. Báðir söfnuðirnir sem ætla að ganga til liðs við nígeríumennina eru í Fairfax County, í Virginíu. Um 70% íbúa í Fairfax county er hvítur, og biskupakirkjan er yfirleitt hvítari en aðrar kirkjudeildir. innan við 9% íbúa Fairfax county er svartur, og íbúar Virginíu er síst þekktir fyrir ást sína á öðrum kynþáttum eða interracial mixing. Það var ekki að ástæðulausu sem George Allen hélt að hann gæti komist upp með að uppnefna S.R. Sidarth, "Macaca" eða troða afskornum dádýrshausum í póstkassan hjá "surtum". Nú er eftir að sjá hvort safnaðarmeðlimir í "orthodox" hommahaturskirkjunnu hafi áttað sig á því að þeir myndu tilheyra kirkju sem væri ekki leidd af hommum heldur halanegrum? Verst að klanið er ekki viðurkennt sem alvöru trúarsöfnuður.

M

Repúblíkanar vilja eyða seinustu dögunum sem þeir sitja við völd í að æsa sig yfir kynlífi fólks

Það er eitthvað mjög grunsamlegt við hversu mikinn áhuga Repúblíkanar hafa á einkalífi og kynlífi fólks. Ef þeir eru ekki að æsa sig yfir því að sumt fólk sé samkynhneingt, (en þingmenn þeirra eða pólítíksir leiðtogar, eins og Mitt Romney, eða sjónvarpspredíkarar, hafa margir grunsamlega mikinn áhuga á samkynhneigð) þá eru þeir að æsa sig yfir því að gagnkynhneigt fólk stundi kynlíf. Reyndar eru repúblíkanar á því að það eigi enginn að stunda kynlíf, nema hann sé löglega giftur aðila af hinu kyninu. Og þá helst bara til að búa til börn. Og hananú!

Svo miklar áhyggjur hafa repúblíkanar af því að fólk sé að stunda kynlíf, að alríkisstjórnin ver árlega milljónum bandaríkjadala í að prómótera skirlífi! Á undanförnum árum hefur bandaríska alríkisstjórnin, undir hanldeiðslu Bush, veitt milljörðum íslenskra króna í auglýsingaherferðir meðal unglinga sem hvetja þau til þess að stunda ekki kynlíf og taka "skirlífisheit". Á sama tíma hefur verið dregið stórlega úr annarri kynfræðslu, og stjórnvöld lagst alveg sérstaklega gegn því að unglingum og ungmennum sé kennt að nota smokka eða aðrar getnaðarvarnir... enda smokkar alveg voðalega eitthvað ógeðslegir...?

Semsagt: Alríkisstjórnin vill ekki kenna unglingum að nota getnaðarvarnir, en heldur úti stórfelldum áróðri fyrir því að kynlíf sé bæði ljótt og dónalegt, og eigi alls ekki heima meðal siðaðs eða heiðarlegs fólks. Þetta eru þeir sannfærðir um að dragi úr samfélagslegri upplausn og hnignun siðgæðis. Enda vitað mál að kynlíf er ægileg siðgæðishnignun?

Það fyndnasta er að allar rannsóknir hafa sýnt að skirlífisáróður Bush stjórnarinnar hefur engin áhrif - unglingar stunda ekkert minna kynlíf þó þeir séu neyddir til að horfa á áróðursmyndbönd um skirlífi, eða ef skólasálfræðingurinn reynir að sannfæra þau um að kynlíf sé stórt no-no. Það sem verra er, unglingar sem fá enga menntun um notkun getnaðarvarna eru líklegri til að fá kynsjúkdóma en hinir. Eins og það segði sig ekki sjálft? (Reyndar hafa rannsóknir sýnt að skirlífisherferðir auki tíðni kynlífs hjá ungmennum!) En Bush stjórninni er svo mikið í mun að vernda þessi snilldarprógrömm að þeir hafa hvað eftir annað komið í veg fyrir að ríkisendurskoðun kanni fjárveitingar og stjórnsýslu tengda þessum skirlífisárðursherferðum, en skírlífisprógrömm stjórnarinnar hafa kostað skattgreiðendur 1 milljarð bandaríkjadala...

Og til þess að kóróna vitleysuna ætla repúblíkanar núna að veita milljónum bandaríkjadala í að reka áróður fyrir því að fullorðið fólk, þ.e. fólk á aldrinu 19-29 ára stundi ekki kynlíf utan hjónabands!

The government says the change is a clarification. But critics say it's a clear signal of a more directed policy targeting the sexual behavior of adults.

"They've stepped over the line of common sense," said James Wagoner, president of Advocates for Youth, a Washington, D.C.-based non-profit that supports sex education. "To be preaching abstinence when 90% of people are having sex is in essence to lose touch with reality. It's an ideological campaign. It has nothing to do with public health."

Abstinence education programs, which have focused on preteens and teens, teach that abstaining from sex is the only effective or acceptable method to prevent pregnancy or disease. They give no instruction on birth control or safe sex.

The National Center for Health Statistics says well over 90% of adults ages 20-29 have had sexual intercourse.

Þetta er auðvitað alvarlegt vandamál sem ríkið á að takast á við, og verja til þess almannafé!

For last year's state grants, Congress appropriated $50 million. A similar amount is expected for 2007, but the money has not yet been allocated, according to the Administration for Children and Families.

"I think the program should talk about the problem with out-of- wedlock childbearing — not about your sex life," Brown says. "If you use contraception effectively and consistently, you will not be in the pool of out-of-wedlock births."

En getnaðarvarnir eru auðvitað bannaðar í þeirri skríngilegu, og satt best að segja frekar scary, veröld sem Bush og hans stuðningsmenn vilja búa í. Ástæðan er auðvitað einföld: það eru ekki kynsjúkdómar, einstæðar mæður eða óskilgetin börn sem þetta fólk hefur áhyggjur af. Repúblíkanaflokkurinn virðist raunverulega hafa áhyggjur af því að fólk 90% alls fólks skuli stunda kynlíf... Það hljóta að vakna spurningar hverskonar kynferðislega óra þingmenn og pólítískir leiðtogar repúblíkanaflokksins eru með. Hvað rekur fullorðið fólk til þess að vilja leggja milljarða króna í að banna öðru fullorðnu fólki að sofa saman?

M

Gleðilegan kalkúnadag!

Í dag er Thanksgiving, og á þeim degi er bannað að flytja slæmar fréttir í Bandaríkjunum, allar sjónvarpsstöðvar flytja eingöngu feel-good people fréttir eða sýna upptökur af The Holiday Parade í New York. Ég missti af snúbba, en sá risavaxinn Scooby Doo, The Energizer Bunny, Dora the Explorer, og nokkrar aðrar blöðrur.

Mikilvægasta frétt dagsins er hins vegar alltaf kalkúnanáðun forsetans: Á hverju ári "náðar" Bandaríkjaforseti nefnilega einn kalkún, sem þannig kemst undan því að vera étinn. Hefðin byrjaði 1947 þegar kalkúna-iðnaðurinn og forsetaembættið bundust böndum um að tryggja að allir forsetar frá og með þeim degi myndu fá minnsta kosti eitt feel-good photo op á hverju ári - og að kalkúnaiðnaðurinn fengi ókeypis auglýsingu. Kalkúnninn var þar með líka orðinn presidentially-approved thanksgiving dinner. Ef ekki hefði verið fyrir Harry Truman og þetta kalkúna-conspiracy hefðu Bandaríkjamenn kannski farið að borða allskonar annarskonar mat á thanksgiving?

Við hátíðlega athöfn í gær náðaði George W Bush, 43 forseti bandaríkjanna, tvo kalkúna - og tilkynnti að kalkúnarnir myndu báðir fá að fara til Disneylands, þar sem þeir verða einhverskonar honorary marshalls í thanksgiving parade, sem er auðvitað draumur allra kalkúna? Það er hægt að horfa á upptöku af þessu kalkúnamómenti forsetans á Washington Post. Ég ætla að eyða afganginum af deginum í að bíða eftir að borða free range og organíska kalkúninn okkar í kvöld. Sá kalkúnn fékk allavegana að lifa gleðilegu free-range organísku lífi áður en hann varð kvöldmatur...

M

Cavuto á Fox News varar við því að umhverfisverndarsinnar heilaþvoi börn með teiknimyndum

Þetta virðist vera helsta áhugamál repúblíkana þessa dagana. Fyrir fáeinum dögum skrifaði ég um skelfilaga uppgötvun James Inhofe að sameinuðu þjóðirnar hefðu gefið út myndabók sem kenndi börnum að mengun væri slæm og að það ætti að fara vel með umhverfið. Inhofe hefur fram að þessu stýrt þeirri nefnd öldungadeildarinnar sem hefur með umhverfismál að gera. Samkvæmt Inhofe er víðfemt samsæri Maóista í Hollywood á bak við þennan hættulega umhverfisverndaráróður: "the far left, the George Soros, the Hollywood elitists, the far left environmentalists".

Inhofe er ekki einsamall í þessari baráttu gegn því að börnum sé kennt mikilvægi umhverfisverndar, því í var löng umfjöllun á Fox News um skaðsemi teiknimyndarinnar Happy Feet, sem fjallar um mörgæsir. Neil Cavuto staðhæfði að myndin væri í raun og veru ílla dulbúinn umhverfisverndaráróður:

In the movie the penguins are starving, the fish are all gone and it’s clear human and big buisness are to blame. Is Hollywood using kid’s films to promote a far left message?

... I saw this with my two little boys. What I found offensive — I don’t care what your stands are on the environment — is that they shove this in a kid’s movie. So you hear the penguins are starving and they’re starving because of mean old men, mean old companies, arctic fishing, a big taboo. And they’re foisting this on my kids who frankly were more bored that it was a nearly two-hour movie. And they’re kids!

My biggest thing was — you can make a political statement all you want — adult movie and all. I just think it’s a little tacky, and a big-time objectionable when you start foisting it on kids who don’t know any better.  

Cavuto ræddi við Holly McClure sem er einhverskonar kvikmyndagagnrýnandi Fox, en McClure sagði að myndin notaði "cute penguins" til þess að gabba börn og fullorðna:

I went watching this movie saying Ok, great, a light-harded fun film — love these animated pictures. And it’s interesting how realistic it looks. You get in there and you’re enjoying all the fun and frivolity. And then along comes the subtle messages.

Það sem gerir þessa undarlegum móðursýki athyglisverða er að bandarískir "íhaldsmenn" eyða undarlega miklum tíma í að þusa yfir barnaefni og öllum "liberal" heilaþvættinum í barnasjónvarpi. Þekktasta dæmið er auðvitað upphlaup Jerry Falwell fyrir sjö árum, þegar hann uppgötvaði að Tinky Winky í Teletubbies væri samkynhneigður, vegna þess að hann gekk með litla tösku. Falwell var sannfærður um að Tinky Winky væri að reka áróður fyrir samkynhneigð. Og sömuleiðis Sponge Bob Square Pants. Þá gerðu þessir sömu siðgæðisverðir harða hríð að Shrek 2. Traditional Values Coalition sendi bréf til foreldra til að vara við klæðskiptingum og kynskiptingum í myndinni, en Shrek væri "promoting cross dressing and transgenderism":

The DreamWorks’ animated film, “Shrek 2,” is billed as harmless entertainment but contains subtle sexual messages. Parents who are thinking about taking their children to see “Shrek 2,” may wish to consider the following: The movie features a male-to-female transgender (in transition) as an evil bartender. The character has five o’clock shadow, wears a dress and has female breasts. It is clear that he is a she-male. His voice is that of talk show host Larry King.

During a dance scene at the end of the movie, this transgendered man expresses sexual desire for Prince Charming, jumps on him, and both tumble to the floor.

... An earlier scene in the movie features a wolf dressed in grandma’s clothing and reading a book when Prince Charming encounters him. Later, one of the characters refers to the wolf’s gender confusion.

Amman í rauðhettu og úlfinum er semsagt ekki saga um að ungar stúlkur eigi að passa sig á úlfum í sauðargæru, heldur er úlfurinn að reka áróður fyrir kynvillu? Hversu margir drengir ætli hafi farið á Shrek 2 og ákvaðið að þeir ætluðu að verða samkynhneigðir klæðskiptingar þegar þeir yrðu stórir? Staðreyndin er að margir "íhaldsmenn" og afturhaldssinuð samtök "kristinna" í bandaríkjunum eru sannfærð um að það sé verið að reyna að heilaþvo börn. Það er augljóst að "íhaldsmenn" á borð við Inhofe og Cavuto, og skoðanabræður þeirra í röðum kristilegra siðgæðisvarða þjást af alvarlegri veruleikafirringu. En það er kannski betra að þessir jólasveinar séu að æsa sig yfir teiknimyndum en að gera alvöru óskunda?

M 

Talandi Jesú Action Man - óhæfur sem jólagjöf, skv bandaríkjaher

Jesúiðnaðurinn í Bandaríkjunum er stór bissness, því trúað fólk á ekki að þurfa að neita sér um neitt af neyslumenningunni. Hverskonar fúl kristni væri það? Að þurfa að afneita materíalískri gleði? Reyndar held ég að fílósófían sé sú að það sé hægt að gera fólk kristið og frelsa það með því að hafa nógu mikið af jesú allt í kringum mann. Sú heimspeki kemur hvergi betur fram en í allskonar jesúleikföngum. Fyrirtækið one2belief hefur látið framleiða jesú actionkalla, sem er hægt að kaupa á netinu, stykkið kostar 20 dollara, sem er hreint ekki svo mikið, ef haft er í huga að sáluheill barnanna er í veði!

Action-Jesú er hið frábærasta leikfang:

Product Features:
• 12" tall
• Fully articulated, with 18 points of articulation including hands and fingers that can gasp and hold
• Realistic eyes
• Hand-sewn cloth outfits and sandals
• 63 seconds of Scripture, recorded in an easy-to-memorize style.

Það er líka hægt að kaupa Móse, Davíð og Esther, og svo auðvitað Maríu Mey. Jesú er samt flottastur, langflottastur meira að segja... Samkvæmt vörulýsingunni er Jesú nefnilega mikilvæg söguleg fígura, svona ef við hefðum kannski aldrei heyrt minnst á hann:

Jesus was the most important person in history. Ever.

Móses eiginlega uppáhaldið mitt - aðallega vegna þess að hann virðist vera svolítið rangeygur og svo fer hann með boðorðin tíu. Hann er líka með einhverskonar prik sem hann getur notað til þess að slást við aðra actionkalla. Davíð er með lítinn slöngvivað en Jesú er bara með handklæði. Kannski á hann að bleyta og snúa uppá það? Það getur verið helvíti effektíft vopn í höndunum á vönum mönnum!

Svo kunna þessar fígúrur allar að tala - það er hægt að hlusta á upptökur af þeim á heimasíðunni. Jesú getur t.d. sagt: "For God so loved the world that he gave his one and only Son, that whoever believes in him shall not perish but have eternal life", og "I tell you the truth, no one can see the kingdom of God unless he is born again" - sem er flott að láta Jesú segja þegar hann gerir útaf við hina actionkallana með sprengjuvörpunni... Að vísu er leiklesturinn frekar fúll, sálarlaus og vantar alla innlifun - það hefði verið miklu flottara að láta Samuel L. Jackson tala inná Jesú.

En Marine Toys for Tots, sem er góðgerðarstofnun á vegum bandaríkjahers, sem gefur fátækum börnum leikföng fyrir jólin finnst Jesú hreint alls ekki nógu flott leikfang - one2believe reyndi nefnilega að pranga 4000 jesúköllum upp á Toys for Tots, en fengu þá alla senda aftur til baka:

Toys are donated to kids based on financial need and “we don’t know anything about their background, their religious affiliations,” said Bill Grein, vice president of Marine Toys for Tots Foundation, in Quantico, Virginia. As a government entity, Marines “don’t profess one religion over another,” Grein said Tuesday. “We can’t take a chance on sending a talking Jesus doll to a Jewish family or a Muslim family.”

Michael La Roe, director of business development for both companies, said the charity’s decision left him “surprised and disappointed.”

“The idea was for them to be three-dimensional teaching tools for kids,” La Roe said. “I believe as a churchgoing person, anyone can benefit from hearing the words of the Bible.”

Herinn hefði kannski tekið við Jesú ef hann hefði verið með eitthvað merkilegri vopn en handklæði? Talsmaður Marine Toys for Tots heldur því reyndar fram að ástæðan sé sú að Jesú sé hundfúlt leikfang:

Grein questioned whether children would welcome a gift designed for religious instruction.

"Kids want a gift for the holiday season that is fun," he said.

The program distributed 18 million stuffed animals, games, toy trucks and other gifts to children in 2005.

Pandagon sem fjallaði um þetta Jesúmál um daginn heldur því fram að þessi leikfangagjöf hafi verið úthugsað publicity-stunt: Fyrirtækið hafi fengið fullt af ókeypis umfjöllun og auglýsingu, og svo geta kristnir Bandaríkjamenn notað þetta sem enn eitt dæmið um ofsóknir á hendur kristinni trú og kristnu fólki almennt. Kristnir Bandaríkjamenn eru nefnilega margir handvissir um að þeir sæti skipulögðum ofsóknum! Það er líka orðinn fastur liður þegar líður að jólum að "kristnir" hægrimenn byrji að væla og grenja yfir því að trúlausir vinstrimenn og kynvillingalobbíið haldi úti hernaði gegn jólumum, og reyni með öllum ráðum að úthýsa trú og jesú-kristi úr jólahaldinu. Þetta ímyndaða "War on Christmas" er fastur liður í jóladagskrá Fox news og á öllum AM talk radio útvarpsstöðvum.

 

M

ps. Ég biðst afsökunar á bloggleysi undanfarinna daga - það tekur smá tíma að komast aftur í gír eftir kosningarnar!

Góðgerðarsamtök afþökkuðu talandi Jesú-dúkkur