Jólasagan í ár: David Sedaris sem Crumpet the Elf

Ég held ég hafi fyrst heyrt í David Sedaris fyrir tveimur árum - og hann er sennilega einhver skemmtilegasti hversdagscommentator sem ég hef heyrt. Og í tilefni jólahátiðarinnar datt mér í hug að pósta þessum link á jólasögu um reynsly Sedaris af því þegar hann var jólaálfurinn "Crumpet" í Macys. Það er ekki hægt að tengja beint á upptökur á NPR - svo það þarf að smella á "Listen" takkann efst í meginmáli þessa glugga - "The original 1992 segment", sem er aðeins neðar á síðunni er reyndar örlítið lengri, og þessvegna pínulítið skemmtilegri.

Á einhvern furðulegan hátt tekst Sedaris að endurvekja trú manns á mannkynið og minna mann á hversu stórfenglega ídjódískst og fáránlegt það er. Sedaris stendur líka fyrir allt það besta sem Bandaríkin hafa upp á að bjóða - það er nefnilega ekki bara Rick Santorum og Michael Savage í Bandaríkjunum, heldur líka David Sedaris og Dan Savage!

Þessi jólasaga er sú fyrsta sem Sedaris flutti á NPR - National Public Radio - sem er nokkurskonar ríkisútvarp Bandaríkjanna, og er eitt allra besta útvarp sem ég hef hlustað á. Að vísu hlusta ég á MPR, Minnesota Public Radio, því það eru lókal public radio stöðvar í hverju fylki sem útvarpa efni NPR og framleiða líka sitt eigið útvarpsefni. Sedaris er tíður gestur í þættinum This American Life sem er framleiddur af Chicago Public Radio. Það er hægt að hlusta á This American Life hér. This American Life er sennilega allra skemmtilegasta innsýn í Bandaríkin sem til er! (Ira Glass, sem stýrir This American Life, er sennilega klókasti hversdagskommentator okkar daga, á eftir Sedaris.)

En semsagt: Ég mæli endregið með David Sedaris, hann er frábær - og líka frábær Bille Holiday eftirherma!

Og, meðan ég man: Jólakveðjur frá Minnesota!!!

M