Kerry og stupidtroops-gate

Í fyrradag reyndi John Kerry að segja brandara. Heimildir segja að brandarinn hafi átt að vera fyndinn, og hafi átt að vera um forsetann, en ekki heimsku hersins. Í staðinn hljómaði Kerry eins og leiðinlegur unglingaráðgjafi í félagsmiðstöð að minna börnin á skaðsemi tóbaks og þess að læra ekki heima:

You know, education -- if you make the most of it, you study hard and you do your homework, and you make an effort to be smart, you can do well. If you don't, you get stuck in Iraq.

Samkvæmt áræðanlegum heimildum átti brandarinn að hljóma þannig:

Do you know where you end up if you don't study, if you aren't smart, if you're intellectually lazy? You end up getting us stuck in a war in Iraq. Just ask President Bush.

Aðeins fyndnara. En af því að demokratar eru allir ílla innrættir og hata Bandaríkin, hlógu viðstaddir. Fyrir vikið fattaði Kerry ekki alveg strax að þetta var alls ekki eins fyndið og til stóð, og að repúblíkanaflokkurinn, eins og hann leggur sig, hafi setið heima og beðið eftir tækifæri eins og þessu, einhverju, bara einhverju, sem þeir gætu notað til þess að vera í sókn. "Brandari" Kerry hefur nefnilega gert þeim kleift að mæta í sjónvarpssali og vera allir ægilega móðgaðir, á "the moral high ground" og þar fram eftir götunum.

Á Fox News lýsti John Boehner, sem er House Majority Leader, því yfir að ef Kerry bæðist ekki afsökunar á brandaranum myndi hann "berja hann til dauða"!

If he is not going to apologize, we are going to beat him to death until he does

Og Tony Snow hefur um fátt annað talað. Snow margendurtók kröfu Hvíta Hússins að Kerry tæki ummælin til baka og bæðist afsökunar - jafnvel þó Kerry hefði bæði beðist afsökunar munnlega og skriflega, og þó allar fréttastofur væru búnar að flytja fréttir af afsökunarbeiðninni.

Afsökunarbeiðni Kerry lítur þannig út:

As a combat veteran, I want to make it clear to anyone in uniform and to their loved ones: my poorly stated joke at a rally was not about, and never intended to refer to any troop.

I sincerely regret that my words were misinterpreted to wrongly imply anything negative about those in uniform, and I personally apologize to any service member, family member, or American who was offended.

It is clear the Republican Party would rather talk about anything but their failed security policy. I don’t want my verbal slip to be a diversion from the real issues. I will continue to fight for a change of course to provide real security for our country, and a winning strategy for our troops.

Það sem er athyglisvert við afsökunarbeiðnina og brandarann er hversu mikla athygli brandarinn fékk. Auðvitað eiga fjölmiðlar að veita ósmekklegum athugasemdum Demokrata athygli - ekkert síður en þeir eiga að veita ósmekklegum athugasemdum Repúblíkana athygli. Ummæli Rush Limbaugh um Michael J Fox fengu t.d. talsverða athygli. Og það er líka skiljanlegt að fjölmiðlar hafi meiri áhuga á ummælum fyrrverandi forsetaframbjóðenda og öldungadeildarþingmanna en ómerkjunga eins og Rush Limbaugh. Það er því kannski ekkert óeðlilegt að Kerry sé í öllum fjölmiðlum.

En það sem ræður samt mestu um alla þá athygli sem ummælli Kerry hafa fengið er að "brandarinn" var var eins og hann hefði verið samin af hugmyndasmiðum Repúblíkanaflokksins: hann var klæðskerasniðin fyrir áróðursmaskínu flokksins sem hamrar á því að Demokratar séu 1) á móti hernum - ekki bara stofnuninni, heldur "the men and women in uniform", 2) elítístar sem fyrirlíta ómenntað og "venjulegt" fólk - "the hard working people of the heartland" 3) repúblíkanaflokkurinn sé einhvernveginn "ábyrgari" en demokratar þegar það kemur að utanríkismálum. Pat Buchanan mætti til MSNBC til að ræða skopskyn Kerry:

I think they realized the impact something like this could have distracting attention, focusing in on, if you will, the antimilitary, you know, bias that is deeply ingrained in some baby boomers, not this generation and certainly not Jack Kennedy's, but some of the baby boomers from the 60s and 70s. They seem to be constantly contemptuous not only of the Vietnam War but of the guys who went over there and fought it.

Joe Scarborough svaraði þessari athugasemd nokkru síðar, "it does come down to elitism, doesn't it?" og Monica Crowley, sem er einhverskonar stjórnmálaskýrandi hjá MSNBC bætti við:

I think Kerry's comments remind the American people, number one, how lucky we were that he was not elected president two years ago, but also, as Mike and Pat were pointing out, the fact that the Republicans still remain, after 60 years of the Cold War and in to this war on terror, the Republicans remain the grown-ups, the responsible ones on national security.  

Það segir hins vegar margt um Repúblíkanaflokkinn að þetta skuli vera það eina sem þeir hafa til að "rally the base" rétt viku fyrir kosningar, eftir að hafa setið við völd í sex ár. Það er eftir að sjá hvort kjósendur sjá muninn á einum mislukkuðum brandara og sex árum af fullkomlega misheppnaðri utanríkispólítík. Það er líka athyglisvert að í huga Buchanan og repúblíkana eru orð mikilvægari en gjörðir. Repúblíkanaflokkurinn hefur með gjörðum sínum sýnt og sannað að hann er allt annað en ábyrgur.

M